صد وتغلى وحرق اعصاب

صد وتغلى واحرق اعصاب مغليك
....................وش قيمة الغالي اذا ماتغلا

ابعد وطنشني واذا قلت وش فيك
....................قول الهوى لعبه وحنا انتسلا

ابيك بارد دم تقهر محاكيك
....................وانا ابتظاهر بالصبر واتحلا

وان جيت يمك مد عني خطاويك
...............من شيمة المقفي خطاويه عجلا

لا تلتفت لي لو اصوت واناديك
..............وان طاحت الدمعه ترا العين خجلا

واذا التقينا صدفه وقمت اراعيك
................راع بطرف عينك وصد وتعلا

وان قلت لك تكفى ذبحني تجافيك
................والقلب ياقلبي من الصد ملا

قل بدري وطبطب عليه بياديك
.................وتل الخفوق بسهم الاعيان تلا

نذرن علي لابيع هالكون واشريك
................يااحلا من السكر يابو عيون نجلا

وابوس رأسك ثم اقبل خطاويك
...............واستسمحك لو جاتني منك زلا

ولك العهد لو تحرق اعصاب مغليك
...................يزود ماينقص غلا من تغلا